Agron Dalipaj, etimolog, ka qenë i ftuar në emisionin Përtej Tregimit në TV Arbëria me moderatoren Valentina Ahmeti.
Ai ka folur për kritikat dhe kundërshtimet e shumta që merr në lidhje me teoritë e tij rreth fjalëve dhe gjuhës në përgjithësi.
Ai thotë se nuk i bëjnë problem kundërshtimet, madje i ka motivim.
Ai në lidhje me këtë bën një krahasim me Gjergj Elez Alinë.
“Mua nuk më shkakton probleme, për mua është një motivim, sepse nëse unë nuk do të kisha përballë njerëz që nuk më besojnë, ata nuk janë kundërshtarë, por kundërshtarët fshihen. Ky është një problem i madh. Unë dal në fushë beteje, është si të dalë bajlozi me Gjergj Elez Alinë dhe të mungojë njëri. E zëmë se unë jam bajlozi, por duhet të dalë Gjergj Elez Alia,” ka thënë ai në Përtej Tregimit.