Këtë vit Çmimi Nobel për Ekonomi i është ndarë Claudia Goldin, profesorë në Universitetin e Harvard-it, për avancimin e të kuptuarit të rezultateve të tregut të punës së grave.
Goldin është vetëm gruaja e tretë që fiton çmimin, i cili u shpall nga Hans Ellegren, sekretari i përgjithshëm i Akademisë Mbretërore Suedeze të Shkencave, në Stokholm.
“Kuptimi i rolit të grave në tregun e punës është i rëndësishëm për shoqërinë. Falë kërkimit novator të Claudia Goldin, ne tani dimë shumë më tepër për faktorët themelorë dhe cilat barriera mund të kenë nevojë të adresohen në të ardhmen”, tha Jakob Svensson, kryetar i Komitetit për Çmimin në Shkenca Ekonomike.
/TV Arbëria