Deputeti laburist i Zelandës së Re, Chris Hipkins, do të zëvendësojë Jacinda Ardern si kryeministër.
Se sa kohë do të jetë Hipkins në detyrë është e pasigurt pasi Zelanda e Re do të mbajë zgjedhjet e përgjithshme në tetor. Hipkins, 44 vjeç, aktualisht është ministër i policisë, arsimit dhe shërbimit publik.
Përpara se të bëhet kryeministër, ai do të duhet të miratohet zyrtarisht të dielën nga grupi i Punës i Zelandës së Re, shkruan BBC
Nëse ai merr atë mbështetje, Ardern do t’i paraqesë zyrtarisht dorëheqjen e saj guvernatorit të përgjithshëm, i cili më pas – në emër të mbretit Charles III – do të emërojë Hipkinsin si kryeministër.
Kryeministrja e Zelandës së Re, Jacinda Ardern ka njoftuar se do të dorëhiqet nga posti që mban deri më 7 shkurt. Teksa ka konfirmuar zgjedhjet kombëtare në muajin tetor, Ardern është shprehur se nuk ka fuqi të rikandidojë dhe se nuk mund të vijojë udhëheqjen, pasi siç ka theksuar ajo, i kanë shteruar energjitë. /TV Arbëria