Chelsea që ishte kryefjala e afatit kalimtar të janarit për shkak të blerjeve bombastike duke kulmuar me argjentinasin Enzo Fernandez për të cilin pagoi 120 milion euro për ta marrë nga Benfica, sot do të zbres në fushë, për ta zhvilluar ndeshjen kundër Fulhamit para tifozëve të vet në “Stamford Bridge”.
Dy pikë është dallimi ndërmjet këtyre dy skuadrave në renditjen tabelare të Premier Ligës në të mirë të Fulhamit dhe një fitore e “Bluve” do t’i ofronte shumë më afër pozitave që dërgojnë në garat evropiane sezonin e ardhshëm, përcjellë TV Arbëria.
Lista e mungesave në skuadrën e Graham Potter është shumë e gjatë. Aty përfshihen emra të rëndësishëm si Broja, Fofana, Felix, Kante e Mendy.
Duke parë këtë situatë, tifozët e Chelseat pritet që të shohin në aksion edhe dyshen e re Fernandez-Mudryk duke luajtur nga minuta e parë.
Ndeshja starton nga ora 21:00 dhe këto janë formacionet e mundshme:
Chelsea: Kepa; James, Thiago Silva, Badiashile, Cucurella; Gallagher, Fernandez; Ziyech, Mount, Mudryk; Havertz
Fulham: Leno; Tete, Diop, Ream, Robinson; Palhinha, Reed, Andreas Pereira; Decordova-Reid, Mitrovic, Ëillian
