Gjetja e ekuilibrit të duhur në jetën tonë për të marrë gjumë të mjaftueshëm, duket se është një betejë e cila vjen duke u bërë çdo ditë e më e vështirë.
Sasia e gjumit që marrim mund të ketë një ndikim në peshën tonë ose ndjeshmërinë tonë ndaj probleme serioze si sëmundje të zemrës ose goditje në tru.
Eksperti i gjumit Neil Stanley, autori i ‘’Si të flemë mirë’’, i përgjigjet pyetjeve që kemi të gjithë në lidhje me gjumin.
Sa orë gjumë duhet të bëjmë?
Neil shpjegon se gjumi është individual për të gjithë ne dhe sasia e duhur është e ndryshueshme nga personi në person. Të paktën katër orë gjumë dhe deri në 11 orë mund të konsiderohen normale por marrja e vetëm një ore më pak se sa na duhet mund të ketë një ndikim të madh.
Midis shtatë dhe nëntë orë është sasia e rekomanduar për të rriturit dhe ne në të vërtetë kemi nevojë për më pak gjumë ndërsa plakemi.Neil këshillon që njerëzit të gjykojnë sasinë e nevojshme nga mënyra se si ndjehen çdo ditë.
Nëse e shihni se jeni shpesh të lodhur, nuk po mjaftoheni.
Cili pozicion i gjumit është më i miri?
Ashtu si njohja e sasisë së duhur të gjumit për të marrë, pozicioni më i mirë i gjumit është individual për të gjithë ne.Më e zakonshme tek të rriturit është pozicioni i fetusit.
Neil thotë se gjumi në shpinë është ‘pozicioni ideal’ pasi mund të zvogëlojë presionin mbi muskujt dhe nyjet, për sa kohë që nuk keni apnea të gjumit ose çështje të gërhitjes.
Nëse është mënyra e vetme që të mund të flini, këshillohet që të flini me kokën tuaj kundër një jastëku përpara, kështu që të keni hapësirë për të marrë frymë, gjë që zvogëlon presionin në qafë.
Gratë shtatzëna rekomandohet të flenë në pozicionin e fetusit për të rritur rrjedhën e gjakut.