Ministrja e Drejtësisë, Albulena Haxhiu, ka shpërndarë sot certifikatat për 56 kandidatët të cilët e kanë kaluar Provimin e Noterisë.
Ministrja e Drejtësisë, tha se ky proces ishte transparent krahasuar me atë të vitit 2019.
“Të nderuar kandidatë që keni dhënë provimin e noterisë, sot jemi pas një rrugëtimi të gjatë ka kohë shumë komuna kanë mbetur pa noterë, procesi 2019, ndërhyrje nga brenda e jashtë gjithandej”, tha fillimisht Haxhiu.
“Gjykata Kushtetuese kishte thënë se ai proces ka qenë i ligjshëm. Do donim që ai proces të anulohej në tërësi. Më duket e padrejtë ndaj jush sepse ju u jeni nënshtruar një procesi me akuza se ka qenë e vështirë”, tha tutje Haxhiu, duke iu kërkuar që t’i shërbejnë sistemit të drejtësisë me nderë.
“Shërbeni sistemit të drejtësisë me nder. Nga 437 kandidatë jeni ju vetëm ata diku 56 kjo sepse komisioni ka vendosur standarde të larta, andaj sot ndjehem krenare sepse ky proces ka qenë më meritor e transparentë ndonjëherë”, u shpreh ajo.
Haxhiu bëri të ditur se së shpejti do hapen konkurse për noterë të rinj për vende tjera, mes tyre edhe ne veriun e vendit.
Haxhiu tha se është vet dëshmitarë e përpjekjeve të shumta për ndërhyrje. Haxhiu tha se pavarësisht asaj çfarë është thënë, provimin e noterisë e kanë kaluar ata që e kanë merituar.
/TV Arbëria