Kandidati për deputet nga radhët e Aleancës për Ardhmërinë e Kosovës (AAK), Burim Ramadan, ka theksuar rëndësinë e mbrojtjes dhe sigurisë si prioritet kryesor të partisë së tij, duke ftuar qytetarët që t’i japin përkrahje në zgjedhjet e 28 dhjetorit.
Ramadan ka bërë të ditur se programi i AAK-së në këtë fushë është i pakrahasueshëm me të tjerët dhe se partia ka ekspertizën dhe konceptin më të mirë për të garantuar qëndrueshmërinë e shtetit.
Ai ka nënvizuar se mbrojtja dhe siguria janë baza e stabilitetit të Kosovës dhe se AAK është e përkushtuar të punojë në këtë drejtim.
“Ju ftoj të na votoni #AAK129 për të na dhënë mundësinë që ta zbatojmë këtë program. Ne jemi në krah të mbrojtjes e sigurisë së shtetit,” ka deklaruar Ramadan.