Sonte me fillim nga ora 20:30 palestra e sporteve “Karagaçi” do të jetë nikoqire e përballjes së tretë mes KB Pejës dhe KB Yllit, e vlefshme kjo për gjysmëfinalen e “PlayOff-it” të Superligës së Kosovës në basketboll.
KB Peja ka epërsi 2:0 në seri të ndeshjeve, dhe fitorja sot nënkupton që “Shqiponjat” e sigurojnë finalen.
Ndeshjen e parë kundër Yllit, Peja e fitoi me shifrat 85:82, kurse në Suharekë, pejanët mposhtën kampionin aktual 86:76.
KB Yllit i nevojiten tri fitore radhazi për ta siguruar finalen, gjë që duket e pamundur duke marrë parasysh formën fantastike në të cilën po kalon KB Peja.
20:30 KB Peja – KB Ylli (Palestra e Sporteve Karagaçi)
/TV Arbëria