“Beteja” e dytë e finales së “PlayOff-it” të Superligës së Kosovës në basketboll do të zhvillohet këtë të diele në Pejë.
KB Trepça triumfoi në ndeshjen e parë ndaj KB Pejës me shifrat 94:86, ndërkaq për ta prekur titullin e kampionit nevojiten tri fitore.
Mitrovicasit po udhëheqin 1:0 në serinë e finaleve, ku Peja do të synojë me çdo kusht ta barazojë në 1:1, andaj pritet të jetë një përballje e zjarrtë të dielën në palestrën “Karagaçi”.
Titullin e fundit Peja e kishte fituar në vitin 2023, ndërsa Trepça për herë të fundit u shpall kampione në vitin 2022.
E diele
17:00 KB Peja – KB Trepça (Palestra Sportive Karagaçi)
/TV Arbëria