Ish-deputeti i Kuvendit të Kosovës nga Partia Demokratike e Kosovës, Hisen Berisha, në emisionin Arb Debat me Rid Berishën, ka thënë se vonesat në krijimin e qeverisë nuk janë korrekte.
Ai ka thënë se “qeveria e numrave” nuk është qeveri e stabilitetit.
“Unë mendoj se një qeveri e numrave nuk është qeveri e stabilitetit, këtë e kemi dëshmuar për këto 20 vite. Nëse dikush mendon se mund ta bëjë qeverinë vetëm pse ka 61 deputet, si do t’i zhvillojë politikat qeverisëse që kërkojnë 2/3? Ju e dini bllokadën që u krijua kur ne u mundojmë të ndalim Kurtin që të mos i arrijë këto marrëveshje, si Plani Franco-Gjerman dhe Statuti i Zajednicës.”
Ai ka shtuar se “lufta” po bëhet për pushtet, jo për shtet.
“Këto qeveri që po pretendojnë se po e marrin drejtimin e shtetit me 51% apo 61 vota, mendoj se po pretendojnë thjesht pushtetin, pa menduar për shtetin”, ka thënë Hisen Berisha. /TV Arbëria