Hisen Berisha, ish-deputet nga PDK-ja, ka bërë një deklaratë të bujshme në lidhje me koalicionet e mundshme për qeverinë e re.
Ai ka thënë se Albin Kurti nga VV-ja nuk mund të krijojë shumicën pa u marrë vesh me Milan Radojiçiqin.
“Cilado që provon me bërë qeverinë, do të prodhojë një qeveri të dobët që nuk ka stabilitet. Mund ta bëjë opozita, e ka të drejtën ta bëjë edhe pozita. Por Albin Kurti, nëse e bën pa partitë LDK, PDK, shansë nuk ka të bëjë qeveri me shumicë pa u marrë vesh me Radojiçiqin, sepse në radhët e deputetëve të pakicave janë disa deputetë atje që drejtpërdrejt menaxhohen nga Radojiçiçi,” ka thënë Berisha.
Kujtojmë se sot, e enjte më 03.04.2025, Kryeministri Albin Kurti ka takuar deputetin e zgjedhur që përfaqëson komunitetin goran dhe kryetarin e Partisë Unike Gorane, Adem Hoxha.