Gazetari dhe analisti Berat Buzhala ka reaguar ndaj një postimi të një hoxhe shqiptar që shërben në Zvicër, i cili sipas tij është lutur për mposhtjen e “qafirave”.
Përmes një reagimi publik, Buzhala thekson paradoksin që, sipas tij, paraqet rasti në fjalë: një klerik që jeton dhe vepron në Zvicër, por që njëkohësisht shpreh simpati për Iranin dhe Rusinë kundër Amerikës dhe Perëndimit.
“Jeton në Zvicër, bën tifozllëk për Iranin e Rusinë kundër Amerikës dhe Perëndimit. A jam tash islamofob, nëse shkruaj kështu?”, shtron pyetjen Buzhala në reagimin e tij.
Deklarata e tij ka nxitur debat në rrjetet sociale, ku është diskutuar kufiri mes kritikës ndaj qëndrimeve të caktuara fetare apo politike dhe akuzave për islamofobi.
/TV Arberia