Anglia dhe Spanja do të përballen me njëra-tjetrën sonte në finalen e Kampionatit Evropian “EURO 2024” në Berlin.
Tre Luanët do të kërkojnë trofeun e parë ndonjëherë të Europianit, kurse Spanja do të kërkojë për të katërtën herë – diçka që se ka bërë asnjë komb më parë në këtë garë.
E teksa Anglia do të kërkojë triumfin e parë, trajneri Gareth Southgate pritet të bëjë një ndryshim në formacion për nga ndeshja e kaluar gjysmëfinale.
Siç raporton Telegraph, Luke Shaw pritet të startojë në krahun e majtë të mbrojtjes te Anglia, në vend të Kieran Trippier i cili kishte startuar aty në ndeshjet e fundit.
Përpos këtij ndryshimi, Anglia nuk pritet të bëjë ndonjë ndryshim tjetër, teksa do të vazhdojë të luajë me skemën 3-4-3 edhe sonte në finale.
Kujtojmë që ‘Tre Luanët’ po paraqiten në finale të Europianit për kampanjën e dytë me radhë, pasi e kishin arritur edhe në “EURO 2020”, kur ishin mposhtur nga Italia në vitin 2021.