Platformat e basteve për zgjedhje gjeneruan miliarda dollarë ndërsa përdorues nga e gjithë bota vendosën baste se kush do të fitonte zgjedhjet presidenciale të SHBA-së të martën.
Polymarket, një platformë online për baste që supozohet të mos lejojë përdorues amerikanë, mblodhi mbi 3.6 miliardë dollarë (3.3 miliardë euro) në baste për zgjedhjet presidenciale, ku 1.5 miliard dollarë (1.4 miliard euro) ishin vënë baste për fitoren e Donald Trumpi dhe një miliard dollarë (930 milionë euro) për Kamala Harrisin, shkruan skynews.
Megjithëse bastet për kandidatët presidencialë ishin më të njohurat, bastet për rezultatet në shtete specifike regjistruan një volum tregtimi total prej mbi 270 milionë dollarësh (252 milionë euro) në Polymarket dhe mbi 120 milionë dollarë (112 milionë euro) në Kalshi, një platformë ligjore bastesh që shërben përdoruesit amerikanë.
Në të dyja platformat, Pensilvania ishte shteti me volumin më të lartë të basteve, me mbi 33 milionë dollarë (31 milionë euro) në Polymarket dhe më shumë se 14 milionë dollarë (13 milionë euro) në Kalshi.
Më pas, Michigan dhe Georgia ishin shtetet që kishin volumin më të lartë të basteve, ndërsa shtetet e tjera vendimtare ishin të gjitha në mesin e 15 shteteve me volumin më të lartë të tregtisë.
Ndryshe, Trump fitojë në tri shtetet e lartpërmendura amerikane si dhe zgjedhjet e përgjithshme presidenciale amerikane. /Telegrafi/