Deputeti i Vetëvendosjes, Dimal Basha ka kritikuar opozitën se nuk po është e gjallë në reagime edhe ndaj Serbisë dhe veprimeve të autoriteteve atje.
Basha i VV-së në një shkrim në Facebook ka hedhur dyshime se opozita nuk reagon ndaj paradës në Republikën Sërpska në Bosnje e Hercegovinë, ku të pranishëm ishin edhe djali i Vuçiqit dhe djali i Ratko Mladiqit.
Sipas tij, opozita nuk reagon për këto gjëra, por siç shkruan ai “Albini thonjtë m’i pre keq, dalin me konferencë për shtyp”.
“A reagoi opozita për paradën e turpit në Republika Srpska ku Dacici, djali Vuciqit dhe djali i kriminelit Ratko Mladic e glorifikuan gjenocidin e kryer dhe nderuan Putinin me medale? Se Albini thonjtë m’i pre keq, dalin me konferencë për shtyp! Ma gjallë, ma gjallë!”, ka shkruar ai. /TV Arbëria
