Barcelona ka shqyrtuar mundësinë e transferimit të Harry Kane, teksa klubi katalanas po planifikon të ardhmen pas largimit eventual të Robert Lewandowski.
Sipas raportimeve, drejtuesit e Barcelonës e kanë analizuar profilin e sulmuesit anglez si një opsion ideal për repartin ofensiv. Megjithatë, kapiteni i Anglisë nuk ka shfaqur interes për t’u larguar nga Bayern Munich, duke bërë të qartë se është i lumtur në Gjermani dhe i fokusuar te fitimi i trofeve më të rëndësishëm me klubin bavarez.
Pas këtij qëndrimi të Kane, Barcelona ka vazhduar të përqendrohet te Julián Álvarez, i cili raportohet se ka qenë shumë më i hapur ndaj idesë së një transferimi në “Camp Nou”.
Sulmuesi argjentinas mbetet një nga objektivat kryesore të katalanasve për të udhëhequr sulmin në epokën pas Lewandowskit, ndërsa drejtuesit e klubit vazhdojnë të punojnë për të gjetur zgjidhjen ideale afatgjatë për vijën e parë të skuadrës.