Avokati, Ardian Bajraktari ka folur rreth aspekteve financiare dhe se si ato nuk duhet të jenë problem për mbrojtjen e të akuzuarve në Hagë.
“E kamë thënë edhe një herë tjetër se aspekti financiar nuk duhet me qenë asnjëherë për sigurimin e mbrojtjes kualitative për faktin që është pikërisht neni 6 i këtij ligji që obligon Kuvendin e Republikës së Kosovës se kurdo që haset një problem apo vështirësi e natyrës financiare me nda mjete financiare”, tha Bajraktari në Rubikon të Klan Kosovës.
Ai po ashtu foli rreth ligjit për Dhomat e Specializuara të Hagës së është një bazë e mirë që iu ofron mbrojtje tri çështjeve.
“Me rastin e miratimit të ligjit për Dhomat e Specializuara në po të njëjtën seancë është miratuar edhe ligji për mbrojtjen juridike dhe mbështetje siç edhe u tha dhe në rrjedhë të kësaj ai ligj natyrisht që ka relativisht pak nene, mirëpo megjithatë është një bazë e mirë që ofron mbrojtje për tri çështje, e para për mbulimin e shpenzimeve për mbrojtje juridike, për mbështetje financiare për anëtarët e familjes me rastin e vizitave të ngjashme si dhe me rastin e shpalljes të akuzuarve potencial të pafajshëm, kompenzimin në fund të procesit”, tha avokati.