Deputeti nga Lëvizja Vetvendosje, Mefail Bajqinovci, përmes një postimi në rrjetin social facebook , thotë se kërcënimi i Vuçiqit është një përpjekje për të ushtruar presionin mbi QUINT-in, me shpresën që ky presion ti kthehet Kosovës.
Bajqinovci thotë se ka përfunduar koha kur Vuçiqi kishte ndikim mbi veriun e Kosovës.
“Kërcënimi i Vuçiqit për 72 orë është një përpjekje për të ushtruar presion mbi QUINT-in, me shpresën që ky presion të përçohet mbi Kosovën. Mirëpo, koha kur Vuçiqi kishte ndikim mbi veriun e Kosovës ka përfunduar.
Mbyllja e institucioneve ilegale serbe dhe forcimi i sundimit të ligjit në këtë pjesë të vendit, dëshmojnë qartë se Kosova është e pathyeshme në ruajtjen e integritetit të saj territorial dhe në ndërtimin e një të ardhmeje të sigurt për të gjithë qytetarët”, shkroi ai.