Astronomët besojnë se planeti rrotullohet në mënyrë sinkrone, kështu që e njëjta anë, e quajtur ana e ditës, gjithmonë përballet me yllin, dhe ana tjetër, ana e natës, është e bllokuar në një errësirë të pafund.
Astronomët kanë zbuluar një planet të ri me madhësinë e Tokës që rrotullohet rreth një ylli të vogël e të ftohtë që vlerësohet të ketë ekzistuar 100 herë më gjatë se Dielli.
Bota shkëmbore e atij planeti, e quajtur Speculus-3b, është 55 vite dritë nga Toka dhe u zbulua ndërsa po lëvizte përpara yllit të tij pritës, një yll xhuxh ultra i ftohtë që është dy herë më i ftohtë se dielli i ngrohtë dhe 100 herë më pak i ndritshëm, raporton “Guardian” i Londrës .
Planeti i sapo zbuluar përshkruhet si “praktikisht me të njëjtën madhësi si Toka”, i cili rrotullohet rreth yllit xhuxh të kuq çdo 17 orë, duke e bërë vitin e planetit më të shkurtër se një ditë në Tokë.
Por ndërsa vitet e Speculus-3b janë më të shkurtra, ditët dhe netët janë të pafundme.
“Ne besojmë se planeti rrotullohet në mënyrë sinkrone, kështu që e njëjta anë, e cila quhet ana e ditës, është gjithmonë përballë yllit, ashtu si Hëna përballet me Tokën. Nga ana tjetër, ana e natës është bllokuar në errësirë të pafund”, tha Michel Guillon, një astronom në Universitetin e Liege në Belgjikë dhe autori kryesor i studimit.
Ky është sistemi i dytë planetar i zbuluar rreth një ylli të tillë xhuxh, pas zbulimit të shtatë botëve shkëmbore rreth Trappist-1, një tjetër yll xhuxh i kuq i ftohtë 40 vite dritë nga Toka.