Tifozët rivalë kanë ‘poshtëruar’ pa mëshirë Arsenalin për atë që ata postuan menjëherë pas fitores së Spanjës kundër Francës në Euro 2024.
Spanja mundi Francën me rezultat 2-1 të martën për të siguruar vendin në finale, që do ta luajë kundër fituesit të ndeshjes së sotme midis Anglisë dhe Holandës.
Lamine Yamal shënoi një gol sensacional për të barazuar pas golit të Randal Kolo Muanit, para se Dani Olmo të siguronte fitoren për ekipin e tij.
Kur Spanja konfirmoi vendin në finalen e së dieles, Arsenali shfrytëzoi mediat sociale për të uruar David Raya, i cili u bashkua me klubin mënyrë permanente javën e kaluar pas periudhës së tij si huazim në sezonin e kaluar.
Ata e përmendën çmimin e “Golden Glove” të Ligës Premier nga sezoni i kaluar duke shkruar: “Fitues i “Golden Glove” te Arsenal. Finalist i Euro 2024. Sezon i mrekullueshëm për Davidin tonë.”
Por postimi i tyre në X nuk u prit mirë në mediat sociale, pasi tifozët kundërshtarë nuk u përmbajtën.
Një përdorues i X-it shkroi: “Performancë e pabesueshme! Gjithmonë aty kur Spanja ka nevojë.”
Një i dytë ia tha me shaka: “Performanca të pabesueshme. Poza e përsosur si gjithmonë në stol.”
Një përdorues i tretë shtoi: “Nuk ka lejuar gol gjatë gjithë turneut.”
Një i katërt postoi: “Asnjëherë nuk e kam njohur një klub të tillë. Janë fascionues.”
Një tjetër komentoi: “Ata vazhdojnë të përdorin atë “Golden Glove” si të ishtë një Ballon d’Or.”
Unai Simon ka qenë numri 1 i Spanjës nën drejtimin e Luis de la Fuente në Euro 2024, ndërsa Raya luajti vetëm një ndeshje – një ndeshje jo të rëndësishme kundër Shqipërisë.
Ai pritet të mbetet në stol kur Spanja vazhdon ‘fushatën’ e tyre në finalen e Euro 2024.
Raya gëzoi një sezon të shkëlqyer në sezonin e kaluar duke mbajtur 16 herë portën e pastër në Ligën Premier, duke fituar çmimin e “Golden Glove” në proces.
Ai ka nënshkruar një kontratë afatgjate këtë verë pasi kaloi sezonin e kaluar si huazim nga Brentford.