Osman Selmani është arrestuar më 1 korrik 2026 në pikën kufitare Mutivodë, teksa po kthehej nga vendlindja e tij, ka njoftuar familja përmes një reagimi publik.
Sipas familjarëve, ai aktualisht ndodhet në Prokurorinë për Krime Lufte në Beograd, ku po përballet me akuza që ata i cilësojnë si të pabazuara dhe të pavërteta.
Familja shprehet se beson në pafajësinë e Osman Selmanit dhe se do të qëndrojë pranë tij deri në zbardhjen e plotë të rastit.
Në reagimin e tyre, ata kanë falënderuar të gjithë për mbështetjen, lutjet dhe fjalët inkurajuese, duke shprehur besimin se drejtësia do të mbizotërojë dhe e vërteta do të dalë në pah.