Policia e Kosovës, përmes një komunikate për media ka bërë të ditur se ka arrestuar në Prishtinë një shtetas turk, i cili ishte i kërkuar me urdhër arrest ndërkombëtar nga shteti i Turqisë.
PK-ja ka bërë të ditur edhe se, arrestimi i tij është bërë sot, dhe se i dyshuari është arrestuar për vepra të rënda penale të mashtrimit financiar.
Njoftimi i plotë:
Policia e Kosovës arreston të kërkuarin me urdhër arrest ndërkombëtar
Prishtinë, më 09 dhjetor 2024
Policia e Kosovës respektivisht njësiti i saj FAST në kuadër të Drejtorisë për Bashkëpunim Ndërkombëtar Policor ka arrestuar një person të dyshuar me urdhër arrest ndërkombëtar.
Me datë 09.12.2024 rreth orës 15:00, zyrtarë policor nga Drejtoria për Bashkëpunim Ndërkombëtar Policor kanë bërë arrestimin e një personi shtetas turk i kërkuar me urdhër arrest ndërkombëtar nga shteti i Turqisë për vepra të rënda penale të mashtrimit financiar.
Me urdhër të prokurorit kujdestar i arrestuari dërgohet në ndalim policor për 48 orë për të vazhduar me procedurat e mëtejme ligjore.