Policia e Agjencisë Shtetërore për Hetim dhe Mbrojtje (SIPA) në Bosnje dhe Hercegovinë sot kanë arrestuar shtatë persona në Zvornik për dyshimin e kryerjes së veprës penale “gjenocid”.
SIPA bën të ditur se kjo vepër penale lidhet me veprat “përgjegjësia individuale dhe komanduese” dhe “ndihmë”, të cilat janë të parashikuara nga Kodi Penal i Bosnjë-Hercegovinës.
Pas procedurave në ambientet e SIPA-s, personat e arrestuar do t’iu dorëzohen Prokurorisë së Bosnjë dhe Hercegovinës, raporton klix.ba.
Personat e arrestuar lidhen me pjesëmarrje në gjenocidin në Srebrenicë në korrikun e vitit 1995.
SIPA ende nuk ka publikuar detajet e veprimit të sotëm, kështu që më vonë pritet të bëhen të ditur më shumë detaje. /Telegrafi/