Kryeministri në detyrë, Albin Kurti ka komentuar vendimin e Zyrës së Rregullatorit për Energji (ZRRE) për daljen e bizneseve në tregun e lirë të energjisë elektrike.
Për këtë vendim që ka kundërshti të mëdha nga komuniteti i biznesit dhe kompanitë vendore dhe aktvendime nga Gjykata Komerciale, Kurti tha se “nuk besoj që do të ketë probleme siç është trumbetuar”.
Kurti tha se ky vendim vetëm rreth 1 për qind të kompanive në vend i prek.
“Bëhet fjalë për një vendim nga viti 2016 që është dashur të zbatohet dhe bëhet fjalë për rreth 1 për qind të kompanive, të cilët do të kenë mundës të nënshkrujnë kontratat për blerje të energjisë. Furnizuesi i mbramë (fundit) është vet KEK-u dhe unë nuk besoj që do të ketë probleme siç është trumbetuar”, tha Kurti në një intervistë në Tëvë1.