Analisti Mentor Shala ka theksuar rëndësinë e ndikimit që vendimet e kryeministrit Albin Kurti në veri kanë pasur për Kosovën në arenën ndërkombëtare. Sipas Shalës, disa nga vendimet e marra gjatë kësaj periudhe kanë çuar në tensione diplomatike dhe kanë ndikuar drejtpërdrejt në marrëdhëniet me partnerët kryesorë ndërkombëtarë.
“Vendimet e marra në veri kanë pasur pasoja të drejtpërdrejta. Për një periudhë katërvjeçare kemi pranuar sanksione nga Shtetet e Bashkuara dhe nga Bashkimi Evropian, duke e vënë Kosovën në një situatë jashtëzakonisht të pafavorshme,” ka deklaruar Shala.