Ministri i Punëve të Brendshme, Xhelal Sveçla, është duke qëndruar në Gjermani. Këtë e ka konfirmuar ambasadori i Kosovës në Berlin, Faruk Ajeti, duke treguar se ky qëndrim i kreut të MPB-së po bëhet në kuadër të Procesit të Berlinit.
Ambasadori Ajeti ka shkruar ndër të tjera se Kosova është pjesë e rëndësishme e Procesit të Berlinit, që sipas tij është një tregim suksesi .
Ky udhëtim i kreut të MPB-së drejt Gjermanisë vjen pas dy vizitave rresht të emisarit gjerman, Manuel Sarrazin, dhe kërkesave gjermane për heqje të masës së sigurisë për mallrat serbe që hyjnë në territorin e Republikës së Kosovës.
Ndërkohë që Kosova s’ka dhëne shenja të pranimit të kërkesës gjermane, Sarrazin dhe ambasadori gjerman në Kosovë, Jorn Rohde, kanë përmendur mundësinë që Kosova të mbetet e vetme jashtë Procesit të Berlinit.
Innenminister Xhelal @XSvecla nimmt heute am Innenministertreffen des Berliner Prozesses teil.
Die Republik Kosovo 🇽🇰 ist ein wichtiger Bestandteil dieses Prozesses, der als Erfolgsgeschichte gilt. 🇽🇰🇩🇪🇪🇺@BMI_Bund @NancyFaeser @KosovoinDe #BerlinProzess pic.twitter.com/qLLaJT5hCf
— Faruk Ajeti (@FarukAjeti) September 17, 2024