Shkruan: Bedri Elezi
Nëse interpretimet publike të përfaqësuesve politikë janë të sakta dhe Kosova më 6 tetor rrezikon të mbetet pa President, atëherë kjo nuk është më çështje politike.
Është çështje e sigurisë kombëtare.
Presidenti është kreu i shtetit dhe ka rol kushtetues në komandën e FSK-së.
Prandaj pyetjet janë të drejtpërdrejta:
Kush e ushtron autoritetin presidencial?
Kush garanton zinxhirin kushtetues të komandës së FSK-së?
Kush mban përgjegjësinë në rast të një krize të sigurisë?
Këto përgjigje duhet të dihen para 6 tetorit – jo pasi të krijohet vakumi.
Nëse ky interpretim është i gabuar, institucionet duhet ta sqarojnë menjëherë.
Nëse është i saktë, institucionet duhet të veprojnë menjëherë.
SIGURIA KOMBËTARE NUK FUNKSIONON ME “NDOSHTA”.
Kosova nuk guxon të hyjë në 6 tetor me paqartësi mbi kreun e shtetit dhe zinxhirin e komandës së sigurisë.
KJO NUK ËSHTË ÇËSHTJE E PARTIVE.
ËSHTË ÇËSHTJE E SHTETIT.
SHTETI DUHET TË FLASË TANI.