Në aksin rrugor Gjilan-Kamenicë ka ndodhur një aksident trafiku ku janë përfshirë dy kamionë, si pasojë e të cilit dy persona kanë pësuar lëndime trupore.
Rastin e ka konfirmuar për Lajmin, zëdhënësi i Policisë për rajonin e Gjilanit, Valon Osmani, i cili bëri të ditur se aksidenti ka ndodhur sot rreth orës 12:24.
Sipas tij, përveç dëmeve materiale, të lënduarit janë dy ngasësit e kamionëve, të cilët janë dërguar në Qendrën Emergjente në Gjilan për trajtim mjekësor.