Në aksident i rëndë u shënua pak pas mesnatës (15 Shkurt) në aksin Përrenjas-Librazhd, ku në vendin e quajtur Pishkash, rreth orës 00:10 janë përplasur një makinë dhe një kamion me targa të Shkupit.
Si pasojë e këtij aksidenti të rëndë ka mbetur e vdekur 20-vjeçarja M. Xh. ndërsa është lënduar rëndë 34-vjeçari Z.S.
Viktima, e cila ishte një studente e Universitetit të Tiranës, ishte fejuar prej tre muajsh me drejtuesin e automjetit, raporton balkanweb.
Ata jetonin së bashku në qytetin e Mamurrasit.
Sipas raportimeve çifti kishte udhëtuar drejt Pogradecit për të kaluar një ditë të veçantë së bashku për festën e Shën Valentinit, një moment që përfundoi në tragjedi.
Sipas policisë shkak i aksidentit sipas hetimit paraprak ka qenë humbja e kontrollit të drejtimit të lëvizjes së auto veturës e cila është përplasur me forcë me kamionin.