Dy persona kanë mbetur të lënduar si pasojë e një aksidenti në fshatin Isniq të Deçanit, shkruan Arbëria TV.
Në këtë aksident janë përfshirë një kamion dhe një veturë, ndërsa personat e lënduar kanë pranuar ndihmë mjekësore.
Lajmin e ka konfirmuar zëdhënësi i Policisë për rajonin e Pejës, Driton Rugova.
“Sot rreth orës 19:00, Policia është informuar për një aksident trafiku i cili ka ndodhur në fshatin Isniq-Deçan, në këtë aksident kanë qenë të involvuara një kamion dhe një veturë, si pasojë e këtij aksidenti dy (2) persona kanë pësuar lendime trupore të njejtit janë dërguar fillimishit në QKMF-Deçan e më pas ne Spitalin Rajonal në Pejë për tretman mjekësor, rasti është duke u hetuar nga hetuesit e Njësitit Rajonal të Komunikacionit Rrugor DRP Pejë”, potencoi ai për Arbëria TV.
Ndërkaq, në media lokale janë publikuar edhe fotografi nga aksidenti.
