Evi Kokalari, një aktiviste me origjinë nga Shqipëria, por që jeton dhe vepron në Shtetet e Bashkuara të Amerikës, e afërt me qarqet politike të Partisë Republikane në atë shtet, nëpërmjet një postimi në Facebookun e saj personal, pretendon se ka zbuluar disa dokumente ku Departamenti i Drejtësisë si dhe CIA, janë duke i hetuar për korrupsion ish-drejtuesit e Gjykatës Speciale në radhë të parë ish-prokuronin e saj Jack Smith.
Sipas saj, i apostrofuari në këtë hetim kishte qenë pjesë e një skeme që kishin kërkuar të holla në mënyrë që to mos u shqiptoheshin aktakuzat disa prej tyre që sot gjenden të burgosur. Po ashtu, thuhet se ish-presidenti të Maqedonisë, pa specifikuar se për cilin është fjala, i ishin ofruar të holla në mënyrë që të dëshmonte kundër ish-presidentit Thaçi në këtë proces.
Ky është postimi i plotë i Evi Kokalllarit
“Dje me ra ne dore nje dokumente/ankese prej 118 faqesh, e bere nga nje ish-punonjes i DEA drejtuar Departamentit te Drejtesise, me kopje inspektoriatit te pergjithshem te Departamentit te Shtetit dhe CIAs.
Ankesa e cila permban deshmi te detajuar te kater Shqiptareve nga Kosova, eshte kunder prokurorit special Jack Smith, dhe e akuzon ate per zhvatje dhe gjoba ndaj bisnesmeneve dhe politikaneve, ne menyre qe ti shpetoj nga sanksionet ne Amerike, pak a shume si versioni i Charles McGonigal.
Personalisht jam gjithnje skeptike, dhe keto deshmi duhen verifikuar ose investiguar, por nder te tjera flitet dhe per gjobavitje ndaj familjes se Thacit, si dhe deshmite e fallcifikuara ndaj tij ne Hague”.
