“Republika e Kosovës është rezultat i aktit sipëror të brezit më të ri të të zgjedhurve të popullit të saj, emrat e përveçëm të të cilëve lexohen pas firmave të nënshkruara në deklaratën e Republikës së Kosovës më 17 shkurt 2008 nga 109 deputetë të Kuvendit të Republikës, si dhe nga krerët shtetërorë të asaj kohe: presidenti Fatmir Sejdiu, kryekuvendari Jakup Krasniqi dhe kryeministri Hashim Thaçi”
Kështu ka deklaruar kryeministri i Kosovës, Albin Kurti, në ceremoninë e festimit të 17-vjetorit të Pavarësisë së Kosovës, duke përmendur ish-presidentin Hashim Thaçi.
Kjo deklaratë e Kurtit ka ngjallur reagime të shumta.
Analisti politik Shemsi Jashari, në një përgjigje për TV Arbëria, ka thënë se kjo mund të jetë një strategji nga ana e Kurtit për formimin e ndonjë koalicioni.
“Në ceremoninë e festimit të 17-vjetorit të pavarësisë së Kosovës, Albin Kurti përmendi figura kyce të shtetndërtimit si Hashim Thaçi. Ky veprim mund të interpretohet në disa mënyra:
Kurti mund të ketë marrë mesazhin nga votuesit se arroganca, mospuna dhe sjellja ofenduese ndaj atyre që mendojnë ndryshe nuk do të tolerohen. Ky ndryshim në diskurs mund të jetë një përpjekje për të treguar një qasje më gjithëpërfshirëse dhe për të korrigjuar imazhin e tij në publik.
Prandaj, veprimin e tij e shoh si Strategji Politike dhe Nevojë për Koalicion. Duke përmendur emra si Thaçi, Kurti mund të jetë duke treguar një hapje ndaj bashkëpunimit me partitë e tjera, veçanërisht me PDK-në, për të siguruar numrat e nevojshëm për qeverisje. Kjo mund të shihet si një “vardisje” për të krijuar një perceptim të pranimit të vlerave të PDK-së, duke hapur rrugë për bisedime për koalicion”, ka thënë se analisti Jashari.
Tutje sipas analistit, përmes këtij veprimi Kurti mund të paraqitet edhe si viktimë, nëse nuk arrin të formojë qeverinë.
“Gjithashtu tendenca për Manipulim të Perceptimit, duke Projektuar Viktimën, sepse nëse Kurti nuk arrin të formojë qeverinë, ky veprim mund të përdoret si një strategji për të projektuar veten si viktimë, duke fajësuar opozitën për bllokimin e formimit të qeverisë. Kjo mund të shërbejë si një mjet për të ruajtur mbështetjen e publikut duke i drejtuar gishtin tek opozita për mospërfshirjen e VV-së në qeveri”, ka thënë analisti.
Krejt në fund Jashari, ka dhënë se: “Si Përfundim, ky ndryshim në diskursin e Kurtit mund të ketë disa nivele,
1, Përshtatshmëri Politike: Për t’u përshtatur me pritshmëritë e votuesve dhe për të treguar gatishmëri për bashkëpunim.
2, Strategji për Qeverisje: Për të siguruar mbështetje të mjaftueshme për një qeveri funksionale.
3, Manipulim i Narrativës: Për të ruajtur mbështetjen e publikut në rast dështimi për të formuar qeverinë.
Kjo sjellje tregon se z.Kurti, ka filluar të bëjë manovrime të ndërlikuara për të balancuar mesazhin public, me objektivat strategjike të brendshme të partisë së tijë”, ka potencuar analisti për TV Arbëria.