Pas dorëheqjes së Memli Krasniqit nga posti i kryetarit të PDK-së, Bedri Hamza ka shpallur kandidaturën e tij për të parin e partisë. Por a e ka ai mbështetjen e plotë të partisë për këtë post? Ajo që ra në sy është se Ramiz Lladrovci, i cili ende nuk dihet nëse do të mbetet pjesë e PDK-së, ka mbështetur publikisht Bedri Hamzën për kryetar.
Ndërkohë, Sami Lushtaku ende nuk ka bërë asnjë reagim lidhur me kandidimin e Hamzës, me të cilin Lladrovci pati përplasje të forta para 12 tetorit.
Sa i përket dorëheqjes së Memli Krasniqit, Lushtaku shkroi: “Në emër tim dhe të strukturave të Partisë Demokratike të Kosovës në Skënderaj, shpreh falënderimin dhe respektin më të lartë për punën, angazhimin dhe lidershipin e treguar nga kryetari i deritanishëm i PDK-së, Memli Krasniqi.”
Të hënën, më 17 nëntor, pritet të mbahet konventa e kësaj partie. Ndërkohë, Enver Hoxhaj ka kërkuar që kjo konventë të shtyhet, me arsyetimin se: “Një parti serioze nuk mund të mbajë një konventë politike dhe përmbajtësore në një kohë kaq të shkurtër.”
“Kjo nguti nuk garanton garë cilësore, as reformimin dhe unitetin e kërkuar e të domosdoshëm për PDK-në në këtë kohë”, ka shtuar tutje Hoxhaj.