Shkruan: Afrim Kasolli
Si do të ishte bota nëse qeveriset vetëm nga gratë? Apo ku të githa kabinetet politike dhe vendimmarrja do të mbetej në duart e tyre? Le të paramendohet hipotetikisht se si do t’i menaxhonin ato situata ekstreme sikur ato të kërcënimit bërthamor. A do të kishte më pak luftra dhe më shumë kompromise dhe marrëveshje ndërmjet kombeve dhe shoqërive njerëzore?
Këto janë pak a shumë disa nga pyetje provokuese që i pasqyron ekspozita “would a world run by women be a better place?” e artit bashkëkohor në kryeqytetin grek në Athinë. Pjesë e këtij eventi ishte edhe filmi kundër luftës “Two Minutes to Midnight” i artistes izrealite, Yael Bartana.
“Titulli i ekspozitës është vënë qëllimisht provokues,” pohon Katerina Gregos, drejtoresha artistike e muzeut, pra se sa e ndryshme mund të jetë bota: “Ajo që po bëjmë është t’u kërkojmë vizitorëve të mendojnë se çfarë do të ishte bota sikur qeverisja dhe vendimmarrja të ishin vetëm në duart e grave.”
Në fund të fundit me anë të kësaj ekspozite, nuk po bëhet thirrje për vendosjen e matriarkatit, por thjesht për të menduar alternativa të tjera që do ta bënin botën një vend më të mirë e paqësor. (The Guardian)/TVArbëria