Gjumi i dobët jo vetëm që shkakton përgjumje gjatë ditës, por mund të ketë pasoja të rënda shëndetësore.
Mungesa e gjumit mund të ketë një ndikim negativ në disponim, nivelet e energjisë, stabilitetin emocional dhe shëndetin, ndërsa injorimi i problemit mund të çojë në shëndet më të dobët, shtim në peshë dhe mungesë përqendrimi.
Përditshmëria jonë është e paimagjinueshme pa celularë dhe tablete. Megjithatë, teknologjia ndikon keq në cilësinë e gjumit. Drita e kaltër e emetuar nga teknologjia prish ritmin cirkadian, domethënë çrregullon hormonet dhe gjumin. Prandaj, nëse doni cilësi, hiqni celularët dhe pajisjet e tjera nga dhoma e gjumit.
Temperatura e dhomës së gjumit
Temperatura e dhomës ku flini është shumë e rëndësishme për gjumë cilësor. Pavarësisht se në cilën stinë është, temperatura e lartë do t’jua prishë gjumin. Prandaj, ajroseni dhomën dhe fikeni ngrohjen të paktën një orë para se të flini. Temperatura e preferuar e dhomës së gjumit është 18 gradë celsius (nga 15.6 deri në 20°C).
Alkooli do t’ju bëjë të zgjoheni në mes të natës me etje. Përkundrazi, pini çaj kamomili ose livandoje, i cili do t’ju relaksojë.
Aktiviteti fizik
Mundohuni të bëni ushtrime jo më vonë se dy deri në tre orë para se të flini, për shkak të adrenalinës që do t’ju mbajë zgjuar për një kohë të gjatë. Nëse nuk jeni adhurues i ushtrimeve, një shëtitje në ajër të pastër do të jetë një opsion ideal.
/Arbëria TV