Qeveria e Tajlandës ka parë prova fotografike se pengjet tajlandeze të mbajtura nga Hamasi në Gaza janë gjallë.
Kështu, siç raportojnë mediat e huaja, u tha gazetarëve të hënën kryeministri Srettha Thavisin.
Pa treguar se sa foto, ose sa nga 24 shtetasit tajlandezë që ka konfirmuar qeveria se janë marrë peng, mund të shiheshin në to, Srettha tha: “Unë e kuptoj, të paktën, ata janë gjallë”.
“Pika tjetër e shqyrtimit tonë është periudha kur ka një armëpushim të përkohshëm, le të themi një ose dy ditë, që mund të jetë një dritare për të evakuuar (pengjet)”, tha ai.
Tajlanda ka qenë një nga burimet më të mëdha të punës së emigrantëve të Izraelit për dekada, dhe shumë nga pengjet tajlandeze u kapën ndërsa punonin në jug të vendit pranë kufirit të Gazës, kur militantët e Hamasit sulmuan më 7 tetor.
