Në rrjetet sociale janë duke qarkulluar pamje të reja nga grabitja e armatosur që ndodhi para dy ditësh në Ferizaj, në afërsi të pikës së karburanteve “Hib Petrol”, në bankomatet që ndodhen aty.
Në pamjet e reja që janë publikuar në Tik Tok, shihen personat e armatosur duke vendosur eksploziv pranë bankomatit, transmeton Telegrafi.
Nga hetimet e para hetuesit rajonal kanë mësuar se cak i personave të maskuar ishin 3 bankomatet që gjenden skaj rrugës magjistrale në parkingun e qendrës tregtare ”Superviva” në Ferizaj.
“Personat e maskuar fillimisht me një mjet plasës kanë shpërthyer njërin bankomat, ndërsa kanë dëmtuar edhe dy bankomatët tjerë, mirëpo falë intervenimit të shpejtë të policisë, posa arrijnë patrulla e parë policore, të dyshuarit fillojnë të shtënë në drejtim të veturës së policisë dhe të largohen nga vendi i ngjarjes”, kishte njoftuar policia.
Rasti është cilësuar ” Vrasje e mbetur në tentativë, grabitje e armatosur e mbetur në tentativë dhe armëmbajtje pa leje.
https://www.tiktok.com/@ajeshqiptar/video/7297954153672805638?embed_source=121355059%2C121351166%2C121331973%2C120811592%2C120810756%3Bnull%3Bembed_blank&refer=embed&referer_url=ekonomiaonline.com%2Fpamje-te-reja-nga-grabitja-e-armatosur-ne-ferizaj-personat-e-dyshimte-shihen-duke-vendosur-eksploziv-prane-bankomatit%2F&referer_video_id=7297954153672805638
/TV Arbëria