Është zbuluar formacioni apo 11-shja më e vlefshme në futbollin botëror dhe në listë dominojnë Real Madridi dhe rivalët e Ligës Premier, Arsenali dhe Manchester City.
Topçinjtë u përballën me skuadrën e Pep Guardiolës në pjesën më të madhe të sezonit të kaluar dhe dyshja kanë vazhduar rivalitetin e tyre edhe këtë sezon.
Arsenali mposhti Cityn në Emirates herën e fundit në ligë dhe shkuan në krye të tabelës së ligës së bashku me rivalët londinez, Tottenham Hotspur.
Kështu, forma e skuadrës së Mikel Artetës ka parë që vlera e transferimit të disa lojtarëve të rritet në qiell, me tre lojtarë që gjenden në 11-shen më të vlefshme në botë sipas Transfermarkt.
Qendërmbrojtësi francez William Saliba rreshtohet në mbrojtje me një vlerë transferimi prej 70 milionë euro, ndërsa së bashku me të gjendet Declan Rice me vlerë 100 milionë euro dhe Bukayo Saka me një vlerë totale prej 120 milionë euro.
City gjithashtu ka tre lojtarë në listë pasi fitoi tripletën historike sezonin e kaluar.
Erling Haaland (180 milionë euro) kryeson vijën e sulmit, me vlerën më të lartë të transferimit së bashku me Kylian Mbappe, ndërsa dyshja mbrojtëse Ruben Dias (80 milionë euro) dhe Josko Gvardiol (80 milionë euro) i bashkohen Salibës në qendër të mbrojtjes.
Real Madrid gjithashtu ka një prani të fortë, me Thibaut Courtois (45 milionë euro), Vincius Jr (150 milionë euro) dhe Jude Bellingham (150 milionë euro) gjithashtu të përfshirë në formacion.
Mesfushori i Bayern Munichut, Jamal Musiala (110 milionë euro) dhe superylli i Paris Saint-Germain, Mbappe plotësojnë 11-shen më të vlefshme.
Në të vërtetë, nuk është befasi që formacioni përfshin kaq shumë lojtarë të Arsenalit dhe Cityt kur merren parasysh vlerat përkatëse të ekipit të të dyja skuadrave.