Presidenti turk Rexhep Tajip Erdogan ka nisur negociatat me Hamasin për lirimin e pengjeve izraelitë të rrëmbyer nga grupi islamik palestinez.
Informacioni u raportua të mërkurën nga Agjencia Franceze e Lajmeve (AFP), duke cituar burime të mirë informuara.
“Ata janë duke negociuar për lirimin e pengjeve,” i tha një zyrtar AFP në kushte anonimiteti, duke konfirmuar informacionin e raportuar më parë nga media Habertürk.
Ndërkohë, të mërkurën presidenti i Turqisë pati bisedime me liderët e botës arabe, si presidenti i Algjerisë dhe princi i kurorës saudite, Mohammed bin Salman, për çështjen e pengjeve dhe ndihmës humanitare për palestinezët.
/TV Arbëria
