Një nga themeluesit e Hamasit, grupit islamik që qëndron pas masakrave shkatërruese në Izrael, u vra të martën në një sulm izraelit në Gaza.
Transmetuesi publik izraelit KAN, duke cituar raportet palestineze, tha se Abd al-Fattah Dukhan, i njohur si “Abu Osama”, u vra gjatë një bombardimi në lagjen Nuseirat të Gazës qendrore.
Raporti për vdekjen e Dukhan erdhi një ditë pasi Izraeli tha se kishte vrarë ministrin e Ekonomisë të Hamasit dhe një anëtar tjetër të lartë të Byrosë Politike në sulmet me dron në Gaza.
Dukhan, drejtori i një shkolle në kampin e refugjatëve al-Nusayrat, ishte mes të pranishmëve në një takim të Vëllazërisë Myslimane në Gaza në dhjetor 1987, ku anëtarët ranë dakord për kundërshtimin militant ndaj pushtimit izraelit.
/TV Arbëria
