Pas sulmit terrorist në Ankara të Turqisë, ka reaguar Sekretari i Përgjithshëm i NATO-s, Jens Stoltenberg.
Ai tha se dënon ashpër sulmin e sotëm terrorist në ministrinë e Brendshme në Ankara.
Gjithashtu theksoi se uron shërimin e shpejtë të dy pjesëtarëve të policisë që u lënduan në detyrë.
“Dënoj ashpër sulmin e sotëm terrorist në ministrinë e Brendshme në Ankara, dhe i uroj shërim të shpejtë policëve të lënduar në krye të detyrës. NATO qëndron pranë Turqisë në luftën kundër terrorizmit”, ka shkruar në llogarinë e tij në X, Stoltenberg.
Kujtojmë që në orët e para të mëngjesit të sotëm, dy persona të armatosur me pushkë automatike dhe jelek me eksploziv ia mësynë portës kryesore të ndërtesës së ministrisë së Brendshme.
Për fat të mirë nuk pat viktima në mesin e civilëve, kurse njëri nga terroristët aktivizoi jelekun duke hedhur në erë veten, e sulmuesi i dytë është neutralizuar nga policia.
I strongly condemn today’s terrorist attack on the Ministry of Interior in #Ankara, and wish a fast and full recovery for the police officers injured in the line of duty. #NATO stands in solidarity with #Türkiye in the fight against terrorism.
— Jens Stoltenberg (@jensstoltenberg) October 1, 2023
/TV Arbëria
