Presidentja e Kosovës, Vjosa Osmani ka reaguar pas sulmit terrorist në Ankara të Turqisë, ku pas intervenimit të autoriteteve të sigurisë humbën jetën dy sulmuesit.
Osmani përmes reagimit në rrjetin social “X” ka shkruar se qëndrojnë me Turqinë, ndërsa policëve të plagosur u ka uruar shërim të shpejtë.
“Solidariteti ynë i plotë për Presidentin Recep Tayyip Erdogan dhe popullin rezistent të Turqisë pas sulmit frikacak terrorist të sotëm në Ankara. Shpresojmë në shërim të shpejtë të policëve të plagosur”, ka shkruar Osmani.
Ndryshe, sulmi me bombë ka ndodhur në afërsi të ndërtesës së ministrisë së Brendshme, ku njëri nga sulmuesit hodhi veten në erë me bombë, kurse tjetri u vra nga policia turke.
Në këtë sulm janë plagosur lehtë dy policë, kurse kamerat kanë kapur momentin kur sulmuesit dalin nga një veturë dhe fillojnë të shtien me pushkë automatike.
Our full solidarity to President @RTErdogan and the resilient people of Türkiye following today’s cowardly terrorist attack in Ankara.
We hope for the swift recovery of the injured police officers. 🇽🇰🇹🇷
— Vjosa Osmani (@VjosaOsmaniPRKS) October 1, 2023