Momenti frikë në sfidën mes RKC Waalwijk dhe Ajax në xhiron e shtatë të elitës së futbollit holandez Eredivisie.
Kjo ndeshje nuk përfundoi pasi pesë minuta para fundit u ndërpre pas një lëndimi të tmerrshëm.
Ajax ishte në epërsi me rezultat 3:2, dhe me qëllimin për të shënuar golin e katërt, topi iu dërgua Brian Brobbey, i cili në përpjekje për të arritur topin goditi në kokë portierin e Waalwijk, Etienne Vaessen, i cili mbeti i shtrirë dhe i palëvizshëm.
Shokët e skuadrës së Vaessen i sugjeruan menjëherë pankinës se diçka nuk shkonte dhe mjekët nxituan te portieri i cili ishte shtrirë në terren pa ndjenja.
Futbollistët e të dyja skuadrave shpërthyen në lot pasi Vaessen mbeti pa ndjenja në fushën e lojës.
Mjekët bënë mrekulli duke i shpëtuar jetën portierit 28-vjeçar, derisa më pas e larguan me barelë dhe me ndihmën e ambulancës e nisën për në spitalin e Waalwijk.
Më vonë ka qenë skuadra e RKC Waalwijk që nëpërmjet një postimi ka bërë me dije se gjendja e portierit holandez është e mirë.
Për fat të mirë Vaessen i shpëtoi më të keqes, derisa situata e tij është stabile dhe do të qëndroj në spital për të rimarrë vetën.
https://twitter.com/UGNoticias/status/1708384613658198082?ref_src=twsrc%5Etfw%7Ctwcamp%5Etweetembed%7Ctwterm%5E1708384613658198082%7Ctwgr%5E336967d1daed13ff95f0a39fd7bfb1744b655aea%7Ctwcon%5Es1_&ref_url=https%3A%2F%2Ftelegrafi.com%2Ffutbollistet-shperthyen-ne-lot-dhe-ndeshja-u-nderpre-mjeket-ben-mrekulli-duke-shpetuar-jeten-e-portierit-holandez%2F
/TV Arbëria