Autoritetet shëndetësore palestineze njoftuan se dy palestinezë u vranë sot gjatë një sulmi ushtarak izraelit në Bregun Perëndimor të pushtuar.
Ushtria izraelite njoftoi se ushtarët hynë në kampin e refugjatëve Nur Shams, afër Tulkarm, për të shkatërruar “qendrën e komandës së ekstremistëve dhe depon për ruajtjen e bombave në një ndërtesë”.
PHOTOS: Footage documents that destruction left by Israeli army following a military raid in the refugee camp of Nur Shams, east of the occupied West Bank city of Tulkarm, which killed two #Palestinians.
Credit: Wafa Awwad/WAFA News Agency pic.twitter.com/7nWeqAzKhq
— Wafa News Agency – English (@WAFANewsEnglish) September 24, 2023
Njësitë inxhinierike çaktivizuan disa bomba të vendosura në rrugë, ekstremistët hapën zjarr dhe hodhën mjete shpërthyese e ushtarët u përgjigjën me municion të vërtetë.
Ministria palestineze e Shëndetësisë ka identifikuar dy palestinezët që u vranë. Gjatë bastisjes janë shkaktuar dëme të shumta në rrugë dhe një objekt.
Bastisjet izraelite, veçanërisht në veri të Bregut Perëndimor, janë bërë më të shpeshta gjatë një viti e gjysmë të kaluar, me synimin për t’u marrë me ekstremistët palestinezë dhe për të parandaluar sulmet e ardhshme.
#BREAKING #Israel #Palestine JUST IN: Members of the IDF entering the Nur Shams camp near the city of Tulkarm. pic.twitter.com/vJLFHJ3hfB
— The National Independent (@NationalIndNews) September 24, 2023
Palestinezët, megjithatë, thonë se bastisjet çimentojnë pushtimin e tyre 56-vjeçar të Bregut Perëndimor. Bastisjet patën efektin e dobësimit të autoritetit palestinez, i cili qeveris pjesë të atij territori.
Rreth 190 palestinezë janë vrarë në Bregun Perëndimor që nga fillimi i këtij viti, sipas të dhënave që disponon AP. Të paktën 31 persona, përfshirë të huaj, u vranë në të njëjtën kohë në sulmet palestineze ndaj izraelitëve.
Tensioni është përhapur kohët e fundit në Rripin e Gazës, ku qindra palestinezë demonstrojnë çdo ditë përgjatë gardhit që ndan territorin nga Izraeli.
/TV Arbëria
