Ministria e Punëve të Jashtme dhe Diasporës (MPJD), duke iu përgjigjur kritikave se ka fshirë historikun e aktiviteteve diplomatike nga uebfaqja, ka njoftuar se kjo e fundit është në proces të ridizajnimit.
Në një përgjigje për “Arbresh.info”, kjo ministri citohet të ketë thënë se janë në proces të ridizajnimit.
“Ju njoftojmë se uebfaqja e Ministrisë së Punëve të Jashtme dhe Diasporës, është në proces të ridizajnimit dhe përditësimit të informacioneve.” – thuhet në përgjigje.
Po ashtu, nga ky institucion kanë bërë të ditur se përmbajtja e vjetër do të shërbehet së shpejti në faqen e arkivës.
“Lidhur me këtë, në uebfaqe është i shkruar njoftimi ku thuhet (pjesa e fundit me ngjyrë të verdhë): “Uebfaqja e re është duke u pasuruar me përmbajtje dhe veçori të reja, përmbajtja e vjetër do të shërbehet shumë shpejt tek arkivi.mfa-ks.net” – thuhet tutje.
/TV Arbëria