Policia e Spanjës ka sekuestruar 2000 kilogramë kokainë në një anije. Mësohet se anija po shkonte në brigjet e Galicisë me një sasi të konsiderueshme kokaine.
Mediat spanjolle raportojnë se pas hekurave ranë katër persona në anije, mes të cilëve një shqiptar, përfaqësues i organizatës që planifikonte të nxirrte ngarkesën në breg dhe kapiten i mjetit lundrues. Droga, e cila i përket klanit ballkanik, është e njëjtë me 9.5 tonët e kapur në Algeciras.
Deri më tani nuk dihen detaje nga aksioni në fjalë si dhe emrat e personave të arrestuar.
/TV Arbëria
