Simone Inzaghi ka insistuar se Interi nuk do të tregojë frikë kundër Milanit në gjysmëfinalen e Ligës së Kampionëve, e cila zhvillohet në “San Siro” të mërkurën mbrëma.
Trajneri i Interit tha në konferencën e tij për shtyp para ndeshjes se janë përgatitur për derbin evropian në mënyrën më të mirë të mundshme pasi kanë shënuar tri fitore radhazi kundër Lazios, Hellas Veronës dhe Romës në Serinë A në javët e fundit.
Interi është gjithashtu i pamposhtur në fazat eliminatore të Ligës së Kampionëve këtë sezon dhe Inzaghi beson se forma e ekipit të tij në kompeticion duhet të sigurojë një nivel të shtuar besimi.
“Ndeshjet e fundit, përfshirë gjysmëfinalet dhe kualifikimet finale, na kanë përgatitur në mënyrën më të mirë të mundshme”, tha ai.
“Nesër e dimë se është një gjysmëfinale e Ligës së Kampionëve, është një derbi, është një derbi i madh. Të gjithë e dimë se sa e rëndësishme është për të gjithë ne dhe duam ta trajtojmë atë në mënyrën më të mirë. Do të duhet të përdorim shumë kokën dhe zemrën. Sa për zemrën tonë, nuk kam asnjë dyshim. Duhet të tregohemi të urtë me kokën, do të ketë momente të rrezikshme dhe ngjarje të paparashikueshme gjatë lojës, duke e ditur se do të duhet të luajmë 180 minuta”, shtoi ai.
Italiani më tutje ka thënë se sfida me Milanin në këtë fazë është diçka unike..
“Ne e dimë se çfarë do të thotë derbi, ne kemi luajtur shtatë në këto njëzet muaj. Ne kemi fituar dhe humbur, por e dimë se çdo ndeshje është unike.”
Ai më pas foli edhe për mungesën e mundshme të Rafael Leaos.
“Ne të gjithë i dimë cilësitë e lojtarit. Ne e dimë se ai mund të jetë ose jo atje, është e qartë se ne do të marrim disa masa paraprake, por në fund të fundit kjo nuk do të ndryshojë planin tonë të lojës”, tha Inzaghi.
Duke vlerësuar kundërshtarët e së mërkurës mbrëma, Inzaghi beson forma e skuadrave nuk përcakton asgjë para kësja ndeshje.
“Milani është një ekip cilësor. Çdo ndeshje është një histori më vete. Nuk do t’i shmangemi sfidës dhe e dimë që me zemër dhe kokë do të luajmë në mënyrën më të mirë të mundshme”, tha Inzaghi në fund.
Ndeshja mes Milanit dhe INteri zhvillohet nesër me fillim nga ora 21:00.
/TV Arbëria