Llapi po vazhdon të luftojnë për një kualifikim në garat evropiane përmes Superligës së Kosovës, por para vetes ka një rrugë mjaftë të vështirë.
Skuadra e trajnerit Tahir Batatina pas 31 xhirove, renditet në vendin e gjashtë me 41 pikë, derisa ballafaqimin e radhës do ta ketë me liderin e tabelës, Dritën në stadiumin “Zahir Pajaziti”.
Para kësaj ndeshje, Batatina iu është drejtuar tifozëve me një mesazh ku u ka kërkuar mbështetje të fuqishme në mënyrë që skuadra të vazhdojë në rrugën drejt arritjes së objektivit të saj, e që është pozita e tretë në tabel.
Ai gjithashtu ka thënë se ndihet krenar me infrastrukuturën evropiane që skuadra ka arritur ta bëjë në stadium.
“Shumë mund dhe sakrificë ka qenë për të arritur në këtë nivel. I lumtur dhe krenar që skuadra e Llapit ka këtë infrastrukturë sportive dhe një restaurant të klubeve të nivelit evropian. Të enjten dua mbështetje masive sepse dy ndeshjet si vendas do vendosin për Llapin e pozitës së tretë tabelare dhe pjesëmarrjes në garat evropiane.”, ka shkruar Batatina në “Facebook”.
/TV Arbëria
