Kremlini ka reaguar pas lëshimit të urdhër-arrestit ndërkombëtar kundër presidentit rus, Vladimir Putin, i cili po akuzohet për krime gjatë pushtimit të Ukrainës.
Maria Zakharova, zëdhënëse e Ministrisë së Jashtme, pohoi se “vendimet e Gjykatës Ndërkombëtare Penale nuk kanë asnjë kuptim për vendin tonë, përfshirë edhe nga pikëpamja ligjore”.
“Rusia nuk është palë e Statutit të Romës të Gjykatës Ndërkombëtare Penale dhe nuk ka asnjë detyrim ndaj tij”, pohoi ajo.
Rusia nënshkroi Statutin e Romës në vitin 2000, por kurrë nuk e ratifikoi atë për t’u bërë anëtare e Gjykatës Ndërkombëtare Penale me seli në Hagë, Holandë.
Shtetit rus ka tërhequr nënshkrimin në vitin 2016, gjatë një kohe kur ishte nën presion për pushtimin e Krimesë si dhe për sulmet ajrore në Siri.
Ndryshe, Gjyqtarët e procedurës paraprake të gjykatës vlerësuan se kishte “baza të arsyeshme për të besuar se secili i dyshuar mban përgjegjësi për krimin e luftës të dëbimit të paligjshëm të popullsisë dhe atë të transferimit të paligjshëm të popullsisë nga zonat e pushtuara të Ukrainës në Federatën Ruse, në veçanti të fëmijëve ukrainas”.
Gjyqtarët konsideruan lëshimin e urdhër-arresteve sekrete, por vendosën se bërja e tyre publike mund të “kontribuonte në parandalimin e kryerjes së mëtejshme të krimeve”. /TV Arbëria