Shorti i fazës çerekfinale të Ligës së Kampionëve prodhoi disa duele tejet interesante.
Ndër to është edhe përballja mes Interit dhe Benficas, ku shumë tifozë tani po konsiderojnë “Nerazzurët” favorit.
Por, kështu nuk mendon Javir Zanetti, pasi që zëvendës-presidenti i Interit i cilëson dy përballjet me Benfican tejet të vështira.
“Gjëja e parë e rëndësishme është se është gjithmonë mirë të jesh këtu – do të thotë që gjërat po shkojnë mirë. Benfica po tregohet se është në nivelin e duhur në këtë garë. Sigurisht që do të jenë dy ndeshje të vështira”, tha Zanetti.
“Të gjitha skuadrat me të cilat mund të përballesh në çerekfinale janë të vështira. Jemi të lumtur që përfaqësojmë futbollin italian në një kompeticion si Liga e Kampionëve”, tha më tej Zanetti.
/TV Arbëria